Paano ba ginagawa ang pagbabago?
Ito ba ay napakamahal at
maluho?
Maaring simple o kumplikado.
Napupulot o madaling masalo.
Sa umaga, sa pagmulat ng iyong
mga mata,
Ang pagbabago ba ay kaagad nakukuha?
Animo tubig na hinihilamos sa
mukha,
At kapagdaka’y pupunasan ng
tuwalya.
Ito ba ay parang dumi lamang sa
katawan-
Na nakukuha sa isang paligo
lamang?
Ito ba ay parang natuyong pawis
din lang-
Na sa basang bimpo ay maaring
punasan?
Ito ba ay parang pagkain sa
mesa -
Na napipili kung alin ang
malasa?
Na kung mainit ay maaring iluwa,
Naiisantabi kung maanghang o
mapakla.
Ang pagbabago ba ay katulad ng
larawan-
Na madaling i-like
ng mga kaibigan?
O profile picture
na madaling palitan,
Dahil maraming pose
ang pagpipilian.
Ito ba ay maihahalintulad sa isang
byahe
Na maari kang mamili kung taxi o dyipni
Katulad ng upuan sa dyipni na
napipili,
Subalit hindi ang uupo sa iyong
tabi.
Mahirap bang gawin ang pagbabago-
O madali lamang kung iyong
isapuso?
Anuman ang ayaw o ninanais mo,
Sana ito’y positibong pagbabago.
