Pangarap

Umpisa sa pagkabata ay natuto

kang mangarap

Nangarap na lumipad at abutin

ang mga ulap

Naging tagapagtanggol ng mga

taong mahihirap

Libre mo itong nalasap dahil

ika’y nangarap

Mangarap ka ng malaki o

kahit na payak

Mangarap ka ng mataas, ng saya,

at ng sarap

Mangarap kang libutin ang mundo

ng walang kahirap-hirap

Subalit, bakit ba hindi ka mangarap ng simple

at madaling malasap?

Libre para sa lahat ang umasam

at mangarap

Bakit ka maglalakad kung maaari

ka namang lumipad?

Bakit hanggang ituktok lang

ng bundok –

Kung kaya mo namang abutin

ang ulap?

Sa pangarap ay maaari kang sumikat

na parang tala

Maging isang prinsesa katulad

ni Cinderella

Maging isang mandirigma na

mahal ng madla

Ah, ang mangarap ay para sa lahat

‘di lang sa mga bata